Josu Bergara

Josu Bergara lyrics

Artist   ·  376 listeners per month

Artist's albums

Similar artists

Biography

Kaixo, lagunok! Eskerrik asko honaino heltzeagatik. Hemen duzue nire ibilbide musikalari buruzko informazioa. Kanta txikien indarra zuen bihotzak bete dagiela. Besarkada bat, Josu Josu Bergara Aretxabaleta (Ea, Bizkaia 1979) musikaria zortzi urterekin Billboko Kontserbatorioan musika ikasten hasi zen. Biolontxeloa, armonia eta beste ikasketa batzuk burutu ondoren, 18 urterekin gitarra lehen aldiz hartu eta abestiak konposatzen hasi zen. Bost disko argitaratu ditu “Karramarroen Hiria” (2006), “Nora Zoaz” (2009), “Katiuska Gorriak” (2012), “Kanta Txikien Indarra” (2015) eta “Asunak” (2018). "Loa eta Laia" (2022) euskarazko musika marrazki bizidunen sortzailea eta konpositorea da. Euskal Herriko ehundaka eszenatokietan aritu izan da, bakarka zein beste musikari askoren laguntzaz. Horrez gain Bartzelona, Madril, Valentzia edota Londresen ere kontzertuak eskaini ditu. Sari ezberdinak jaso ditu konpositore, olerkari eta egile gisa. Josuren abestiak freskoak eta argiak dira, bizipoza transmititzen dute. Ibilbide luzeko musikari honek melodiak eta erritmo ezberdinak lantzen ditu, beti ere modu hunkigarrian abesti sinple bezain ederrak konposatzen. “Akorde txikiak” bandarekin elkarlanean zuzeneko ezberdina eta originala plazaratzea lortu du: melodikoa, dinamikoa eta erakargarria. Songwriter edo kantautore estiloaren oinarritik abiatuz, pop, folk, swing, bluegrass eta beste hainbat erritmo jorratzen dituzte. Web: www.josubergara.eus